अफगानिस्तानमा ईदको समय युद्धविराम गर्ने तालिबान र सुरक्षा बलको निर्णय

काबुल, २६ साउन । अफगानिस्तानमा ईद पर्वको समयमा युद्धविराम गर्ने तालिबान र सुरक्षाकर्मीको निर्णयलाई अमेरिकी विशेष प्रतिनिधिले स्वागत गरेका छन् ।

तालिबान विद्रोही लडाकु समुह र सुरक्षा बल बीच बढ्दो द्धन्द्धका बीच ईद पर्वको समयमा तीन दिन युद्धविराम गर्ने बताएका छन् । युद्धविरामको निर्णयलाई अमेरिकी बिशेष प्रतिनिधि जलमे खालिलजादले स्वागत गरेका छन् । पछिल्लो केही समययता तालिबान र सुरक्षा बल बीचको तनाब र द्धन्द्धले सर्वसाधारणलाई नराम्रो असर पारेको भन्दै उनले युद्धविरामको निर्णय स्वागत गरेको बताएका हुन् । साठी जना भन्दा धेरै बिधार्थीको ज्यान जाने गरी राजधानी काबुलस्थित एक बिधालय नजिकै भएको बम बिष्फोटको घटना पछि तालिबानले ईदको समय तीन दिन युद्धविराम गर्ने घोषणा गरेको हो ।

तालिबानको घोषणा पछि राष्ट्रपति असरफ घानीले पनि ईदको समय युद्धविराम गर्न सुरक्षा बललाई निर्देशन दिएका हुन् । अमेरिकी बिशेष प्रतिनिधि खालिलजादले अफगानिस्तानमा राजनीतिक समाधान र स्थायी युद्धविरामको अबस्था हुनुपर्ने बताए । अफगान जनताले अर्थहीन युद्धको अन्त्य र राजनीतिक सधामान चाहेको र त्यसका लागि अमेरिकाले साथ दिने उनले बताए । बीस बर्ष लामो आतंकवाद बिरुद्धको युद्ध पछि अमेरिकाले आफ्ना सेना फिर्ता गरिरहेको बेला अफगानिस्तानमा तालिबानले पुन द्धन्द्ध चर्काएको छ । स्रोत बिजनेस स्टान्डर्ड