गैंडाको खागसहित तीन जना पक्राउ

रुपन्देही, २३ मंसिर । रुपन्देहीबाट गैंडाको खागसहित ३ जनालाई प्रहरीले पक्राउ गरेको छ ।

प्रहरीका अनुसार अर्घाखाँची छत्रकोट गाउँपालिका-७ सूर्यथुम बस्ने ४८ वर्षीय नर बहादुर सुनार, ५८ वर्षीय पदम सुनार र सोही गाउँपालिका-५ रानीचाप बस्ने २८ वर्षीय सुमन न्यौपानेलाई वुटवल उपमहानगरपालिका-५ स्थित हरियाली होटल एण्ड लजको ११८ नम्बरको कोठाबाट ४ ईन्च गोलाई र ४ ईन्च लम्बाई भएको गैंडाको खाग सहित पक्राउ गरेको हो ।

पक्राउ परेका उनीहरुमाथि थप अनुसन्धान भइरेको ईलाका प्रहरी कार्यालय बुटवलले जनाएको छ ।