एक पुरुष मृत अबस्थामा फेला

दाङ, ११ चैत । दाङको घोराहीमा एक पुरुष मृत अबस्थामा फेला परेको प्रहरीले जनाएको छ ।

जिल्ला प्रहरी कार्यालय दाङका अनुसार आज बिहान घोराही उपमहानगरपालिका २ बलरामपुरका ५० वर्षीय जितबहादुर चौधरीको शव फेला परेको हो ।

चौधरीको शव मानव निर्मित गाैरीशङ्कर तालकाे किनारमा फेल परेको हो । हिजाे बिहीवार दिउँसो भैँसीलाई पानी खुवाउन गएका चौधरी घर नफर्किएपछि आफन्तले उनको खोजी गरिदिन प्रहरीलाई खबर गरेका थिए ।

तालमा नुहाउने क्रममा डुबेर चाैधरीकाे ज्यान गएकाे हुन सक्ने प्रहरीले आशङ्का गरेको छ । उक्त घटनाबारे थप अनुसन्धान भइरहेको प्रहरीले जनाएको छ ।