तीन दलले बाँडे आयुक्त

काठमाडौ, १५ माघ । संवैधानिक परिषद्ले निर्वाचन आयोगमा रिक्त तीन सदस्यमा नियुक्तिका लागि सिफारिस गरेको छ ।

संवैधानिक परिषद्को शुक्रबारको बैठकले पूर्वप्रशासकहरू ईश्वरीप्रसाद पौडेल, नरेन्द्र दाहाल र सुधीरकुमार शाहलाई सिफारिस गर्ने निर्णय गरेको हो । पौडेल पूर्वरक्षा सचिव हुन् भने कानुन पृष्टभूमिका दाहाल निर्वाचन आयोगकै पूर्वसचिव हुन् । त्यस्तै शाह भने गृह मन्त्रालयका सहसचिव हुन् ।

निर्वाचन आयोगको सदस्यका लागि सिफारिस भएका पौडेल कांग्रेस कोटामा, दाहाल एमाले र शाह माओवादी कोटाबाट सिफारिस भएका हुन् ।

परिषद्ले सिफारिस गरेका तीनै सदस्यका छिट्टै संसदीय सुनुवाइ भई अनुमोदनपछि राष्ट्रपतिले नियुक्त गर्नेछन् । तीन सदस्यहरूको नियुक्तिसँगै निर्वाचन आयोगले पूर्णता पाउने अन्नपूर्ण पोष्टमा समाचार छ ।