चाँगुका एमालेहरु सूर्यविनायकको डाँडामा रमाउँदै

भक्तपुर,२९ माघ । नेकपा एमाले चाँगुनारायण नगर कमिटीको आयोजनामा वृहत बनभोज कार्यक्रम सम्पन्न भयो । सूर्यविनायक नगरपालिकाको रमणीय पर्यटकीय स्थल ध्याम्पे डाँडामा आयोजना गरेको सो कार्यक्रम नगर कमिटीका अध्यक्ष रमेस बुढाथोकीको अध्यक्षतामा सम्पन्न भएको थियो ।

कार्यक्रममा एमालेका केन्द्रीय सदस्य सोम प्रपाद मिश्र, सभासद केदार संञ्जेल, जिल्ला पार्टी एमालेका अध्यक्ष राजेन्द्र राजथला, उपाध्यक्ष बचन देउजा, सचिव हरिशरण लामिछाने लगायतका नेताहरुको उपस्थिति रहेको थियो ।

कार्यक्रममा केन्द्रीय सदस्य सोम मिश्रले समसामायिक राजनीतिमा पार्टीले लिएको धारणाको जानकारी गराउँदै आगामी स्थानीय निर्वाचनमा एमालेलाई जिल्लामा पहिलो स्थानमा ल्याउनका लागि नेता–कार्यकताहरुले भूमिका निर्वाह गर्न निर्देशन दिए ।

त्यसरी नै सभासद केदार सञ्जेलले एमाले अबको निर्वाचनमा देशमा नै पहलो शक्ति बन्ने भएकाले जिल्लामा पनि एमालेलाई पहिलो स्थानमा ल्याउँन पार्टीका नेताको मात्रै होइन, कार्यकताहरुको पनि अहम भूमिका हुने र त्यही अनुसाल लाग्न पार्टी कार्यकताहरुलाई आग्रह गर्नु गरे ।

कार्यक्रममा जिल्ला अध्यक्ष राजथला, उपाध्यक्ष देउजा लगायतका नेताहरुले आफ्नो धारणा राख्ने क्रममा आउँदो निर्वाचनमा पार्टीलाई जिल्लामा पहिलो पार्टी बनाउने कुरामा नै जोड दिए । सो कार्यक्रममा ७ वटा बसमा करिब ५०० सय जनाको सहभागिता रहेको अध्यक्ष रमेस बुढाथोकीले जानकारी गराए ।