काठमाडौँ, ८ फागुन । एक साता अघि निर्वाचन आयोगका सदस्य इला शर्माले सरकारले फागुन ८ गते सम्म निर्वाचनको मिति घोषणा गरे जेठमा नै निर्वाचन सम्भव हुने वताएका थिए । सो कार्यक्रममा उनले सरकारले यही फागुन ८ गतेसम्म निर्वाचनको मिति घोषणा गरेमा जेठमा निर्वाचन गराउन सम्भव हुने जानकारी गराएका थिए । आयोगका सदस्यको सो भनाई अनुसार यदी सरकारले आज चुनावको मिति घोषणा गरेन भने जेठ मा निर्वाचन गर्न सकिदैन्, ,अर्थात जेठ महिना भन्दा पर सर्ने छ ।
जिल्ला विकास समिति महासङ्घ, नेपाल ,नगरपालिका सङ्घ तथा गाउँ विकास समिति राष्ट्रिय महासङ्घले राजधानीमा एक साता अघि संयुक्त रुपमा आयोजना गरेको ‘स्थानीय तह पुनःसंरचना बाँकी कामहरु र स्थानीय निर्वाचन’ विषयक अन्तक्र्रिया कार्यक्रममा वोल्दै आयोग सदस्य शर्माले निर्वाचन मिति फागुन ८ मा घोषणा भए आयोगले जुनसुकै हालतमा पनि जेठ १ र २१ गते दुई चरणमा निर्वाचन गराउन सक्ने र यसका लागि तयारी गरिसकेको जानकारी गराएका थिए ।
सो कार्यक्रममा उनले –“देशलाई निकास दिन आयोग हदैसम्म लचक भएर निर्वाचन गराउन तयार छ । आयोगलाई निर्वाचन गराउने विषयमा सरकारको नियतमा कुनै शङ्का छैन तर त्यसका लागि अब हामीलाई प्रशासनिक केन्द्र, नगरपालिका र गाउँपालिकामा कार्यकारी अधिकृत र कर्मचारीको उपस्थिति पनि चाहिन्छ भनेका थिए ।
स्थानीय तह पुनःसंरचना आयोगका सदस्य माधव अधिकारीले गाउँ तथा नगरपालिकाको सङ्ख्या र सिमाना निर्धारण, नाम, केन्द्र र वडा विभाजनका लागि सिफारिस गर्ने काम सकिसकेकाले आयोगले अहिले विशेष संरक्षित वा स्वायत्त क्षेत्रको सङ्ख्या र सिमा निर्धारण, स्थानीय तहमा आवश्यक प्रशासनिक संरचना र जनशक्ति उपलब्ध गराउन प्रस्ताव गर्ने तयारी गरिरहेको जानकारी दिएका थिए । ।
उनले स्थानीय सेवाको उपयुक्त ढाँचाको प्रस्ताव, केन्द्र, प्रदेश तथा स्थानीय तहमा गाउँपालिका, नगरपालिका र जिल्लासभाबीच काम, अधिकार स्रोतको बाँडफाँड सम्बन्धी सुझाव, काठमाडौँ र उपत्यकाको एकीकृत र समन्वयात्मक विकासका लागि प्रस्ताव तयार गर्ने काम पनि आयोगले गरिरहेको जानकारी गराएका थिए ।
सङ्घीय मामिला तथा स्थानीय विकास मन्त्रालयका उपसचिव गोपाल अर्यालले निर्वाचनका लागि स्थानीय निकायका साझेदारसँग निरन्तर छलफल गरिरहेको र यसका लागि स्थानीय तहमा कर्मचारीको उपस्थितिका लागि मन्त्रालयले तयारी गरिरहेको कार्यक्रममा जानकारी गराएका थिए ।
प्रतिक्रिया दिनुहोस्