भक्तपुर जिल्ला समन्वय समितिको आज हुने शपथमा एमाले अध्यक्ष ओली आउने

भक्तपुर,२५साउन । केही दिन अघि सम्पन्न भएको भक्तपुर जिल्ला समन्वय समितिका निर्वाचित पदाधिकारीहरु र सदस्यहरुको आज जिल्लामा शपथ ग्रहन कार्यक्रम तय भएको छ ।
जिल्ला विकास समितिको परिसरमा हुने शपथ ग्रहन कार्यक्रममा नेकपा एमालेका अध्यक्ष केपी शर्मा ओलीको सहभागितामा हुने समन्वय समितिका सदस्य श्रीराम व्यान्जुले जानकारी गराए । सो कार्यक्रम २ बजे हुने छ ।
समन्य समितिको निर्वाचनमा नेकपा एमालेका नवराज गेलाल र सरिता कुँवर प्रमुख र उपप्रमुखमा निर्वातिच भएका थिए । त्यसरी नै विजयीहुनेमा महिला सदस्यहरुतर्फ गिता देउजा,कमला पोखरेल , सकुन्तला श्रेष्ठ र दलित अल्पसंख्यक महिलामा गिता बिसुंके विजयी भएका छन् । त्यसरी नै सदस्यहरुतर्फ श्रीराम व्यान्जु,उमेश श्रेष्ठ, बाबुकाजी श्रेष्ठ विजयी भएका छन् ।