जम्बो सरकार गठन गरे लगतै जम्बो टोलीको नेतृत्व गर्दै देउवा दिल्लीमा

काठमाडौ,७ भदौ ।प्रधानमन्त्री शेरबहादुर देउवा उच्चस्तरीय नेपाली टोलीको नेतृत्व गर्दै बुधबार बिहान भारत प्रस्थान गरेका छन् । वर्तमान दलीय गठबन्धनका अघिल्ला प्रधानमन्त्री पुष्पकमल दाहालले भ्रमण गरेको एक वर्ष नपुग्दै उनी सद्भावना भ्रमणमा भारत रोजिएको हो ।
प्रधानमन्त्री देउवा ४५ सदस्यीय प्रतिनिधि मण्डलको नेतृत्व गर्दै बुधबार भारत प्रस्थान गर्दा उनको विगतको भ्रमणलाई जोडेर यसपटकको मेनुमा बहस सुरु भएको छ । चार जना मन्त्री, नौ जना सांसद तथा विभिन्न मन्त्रालयका उच्च अधिकारी संलग्न टोलीसहित प्रधानमन्त्री पाँचदिने औपचारिक भ्रमणका लागि भारतको भ्रमणमा छन् ।

भारतीय समकक्षी नरेन्द्र मोदीको निमन्त्रणामा भारत भ्रमण गर्न लाग्नुभएका प्रम देउवासँग उपप्रधान तथा परराष्ट्र मन्त्री कृष्णबहादुर महरा, अर्थमन्त्री ज्ञानेन्द्रबहादुर कार्की, पर्यटन मन्त्री जीतेन्द्र देव र वाणिज्य मन्त्री मीनबहादुर विश्वकर्मा जानुहुनेछ । भ्रमण दलमा नेपाली काँग्रेस, नेकपा ९माओवादी केन्द्र०, सङ्घीय समाजवादी फोरमलगायत पार्टीबाट नौ जना सांसदहरू सहभागी हुने छन् ।

भ्रमण टोलीमा प्रधानमन्त्री देउवाकी धर्मपत्नी आरजु देउवा पनि हुनुहुन्छ । त्यसैगरी परराष्ट्र मन्त्रालयबाट सचिवसहित नौ जना तथा अन्य मन्त्रालयबाट समेच उच्च अधिकारी सहभागी हुने छ । टोलीमा प्रधानमन्त्रीका परराष्ट्र सल्लाहकार डा। दिनेश भट्टराई, प्रेस संयोजक गोविन्द परियार तथा सचिवालयका सदस्य पनि हुनेछन् ।

नेपाल एयरलाइन्सबाट बुधबार बिहान दिल्ली प्रस्थान गर्नुहुने प्रधानमन्त्री देउवाले बिहीबार उच्चस्तरीय भेटवार्ता गर्नुहुने कार्यक्रम छ । प्रधानमन्त्रीका पे्रस संयोजक गोविन्द परियारका अनुसार प्रधानमन्त्री देउवाले भारत भ्रमणको दोस्रो दिन भारतीय राष्ट्रपति रामनाथ कोविद तथा समकक्षी नरेन्द्र मोदीसँग दुईपक्षीय वार्ता तथा सहमतिपत्रमा हस्ताक्षर गर्ने कार्यक्रम छ ।

भ्रमणको पहिलो दिन प्रधानमन्त्री देउवा दिल्लीस्थित नेपाली दूतावासले आयोजना गरको कार्यक्रमा सहभागी हुने कार्यक्रम छ । त्यसै दिन प्रधानमन्त्री देउवाले प्रवासी नेपालीको कार्यक्रममा सहभागी हुने तथा एभरेस्ट चेम्बर अफ कमर्सका पदाधिकारीसँग भेटघाट तथा छलफल गर्ने कार्यक्रम छ ।

प्रधानमन्त्री देउवासँग दोस्रो दिन भारतकी विदेशमन्त्री सुष्मा स्वराजले भेटवार्ता गर्ने कार्यक्रम छ । त्यसै दिन प्रधानमन्त्री गार्ड अफ अनर दिने कार्यक्रममा सहभागी हुने र महात्मा गान्धीको समाधिस्थलमा श्रद्धाञ्जलि दिन राजघाट जाने कार्यक्रम छ । तेस्रो दिन विभिन्न राजनीतिक पार्टीका नेताहरूसँग भेटघाट गर्ने कार्यक्रम तय भएको छ । कार्यक्रमअनुसार भारतीय जनता पार्टी ९बीजेपी० का महासचिव राम माधवले नेतृत्व गरेको संस्था इन्डिया फाउन्डेसनको कार्यक्रममा प्रधानमन्त्री देउवा सहभागी हुनेछन् ।

देउवा भारत जानु केही दिनअघि मात्र भारतले सीमाक्षेत्रमा लगाएको बाँधका कारण तराईका थुप्रै भूभाग डुबानमा परेका छन् । भारतीय नियन्त्रणमा रहेको कोसी ब्यारेजका ढोका समयमै नखोलिँदा बाढीको क्षति पनि भोग्नुपरेको सरकारको निष्कर्ष छ । उपप्रधान तथा परराष्ट्रमन्त्री कृष्णबहादुर महराले भारतीय राजदूत र भारतीय समकक्षी सुष्मा स्वराजलाई टेलिफोन गरेरै ब्यारेजका ढोका खोल्न आग्रह गर्नुपरेको विषय पनि सार्वजनिक भएको छ । मधेसका पीडित नागरिकको आम सरोकारको विषय बनेको यस मामिलालाई प्रधानमन्त्रीले दिल्लीवार्ताको कार्यसूचीमा राख्नुपर्छ ।

कार्यक्रम सकेर दिउँसो भारतीय वायु सेनाको विशेष विमानबाट प्रधानमन्त्री आन्ध्र प्रदेशको हैदरावाद जाने कार्यक्रम छ । चौथो दिन प्रधानमन्त्री देउवा पत्नी आरजु देउवासहित आन्ध्र प्रदेशमा रहेको तिरूपति मन्दिर दर्शन गर्ने कार्यक्रम छ । भ्रमणको पाँचाँै दिन ११ गते प्रधानमन्त्री देउवा दिल्ली हुँदै नेपाल एयरलायन्सको उडानबाट काठमाडौँ फर्किने कार्यक्रम छ ।