रोकिएन टिपर आतंक : भक्तपुरमा टिपरको ठक्करबाट पैदलयात्रीको मृत्यु

साउन २६, भक्तपुर । भक्तपुरमा आज टिपरको ठक्करवाट एक जना पैदलयात्रीको मृत्यु भएको छ ।

भक्तपुरको सल्लाघारीस्थित आकासे पुल नजिक गएराति बा ५ ख ५७७८ नं को टिपर पछाडि ल्याउने क्रममा पैदल हिँडिरहेका सप्तरी राजविराजका १९ वर्षीय देवेन्द्र सदायको मृत्यु भएको हो । टिपरको ठक्करबाट गम्भीर घाइते भएका सदायको उपचारका क्रममा राति १ बजे राष्ट्रिय ट्रमा सेन्टर काठमाडौँमा मृत्यु भएको प्रहरीले जनाएको छ ।

ठक्कर दिने टिपरसहित चालकलाई प्रहरीले नियन्त्रणमा लिएको छ ।