भदौ ८, कञ्चनपर । निर्मला पन्त हत्या प्रकरणबारे छानबिन गर्न माग गर्दै भएको प्रदर्शन नियन्त्रण बाहिर गएपछि महेन्द्रनगरमा लगाइएको कर्फ्यू जिल्ला प्रशासन कार्यालय कञ्चनपुरले हटाएको छ ।
अवस्था सामान्य बन्दै गएपछि शुक्रबार बिहान ५ बजेबाट कर्फ्यू हटाइएको हो । कफ्र्यु हटेसँगै जनजीवन सामान्य अवस्थामा वनदै गएको छ ।
बिहीबार मात्रै कञ्चनपुरको नयाँ प्रहरी प्रमुखको जिम्मेवारी लिएर जिल्ला पुगेका एसपी कुबेर कडायतले अवस्था नियन्त्रणमा आएपछि बिहीबारदेखि जारी गरिएको कर्फ्यू अहिले विहानवाट हटाएको जानकारी दिएका छन् ।
एसपी कडायतले आन्दोलनरत पक्ष र सरकारबीच वार्ता गराउने प्रयास गरिरेको जानकारी दिएका छन् । सरकारले बिहीबार गृह मन्त्रालयका सहसचिव हरिप्रसाद मैनालीको नेतृत्वमा उच्चस्तरीय छानबिन समिति गठन गरेको छ ।
प्रतिक्रिया दिनुहोस्