‘छक्का पञ्जा ३’को कमायो दुई दिनमा दुई करोड

असोज २६, काठमाडौँ ।  घटस्थापनाको दिन प्रदर्शनमा आएको ‘छक्का पन्जा ३’ फिल्मको इनिसियल बक्सअफिस बम्पर देखिएको छ ।

 वितरकका अनुसार फिल्मले प्रदर्शनको दुई दिनमा २ करोड ग्रस कलेक्सन गरेको छ । फिल्मले प्रदर्शनको पहिलो दिन १ करोड ३० लाख र दोस्रो दिन ८० लाख ग्रस कलेक्सन गरेको हो ।

देशभरका अधिकांश सिंगल स्कृनमा वर्चश्व र मल्टिप्लेक्समा सर्वाधिक सोज पाएका कारण फिल्मको इनिसियल बक्सअफिस बम्पर भएको हो ।

दीपाश्री निरौलाको  निर्देशन रहेको फिल्ममा दीपकराज गिरी, दीपिका प्रसाईँ, केदार घिमिरे, जितु नेपाल, बुद्धि तामाङ, शिवहरि पौडेलको हास्यकलाकारको जम्बो टोलीसहित दीपिका प्रसाईँ, प्रियंका कार्की, स्वस्तिमा खड्का, बर्षा राउत, संजोग कोइराला लगायतको अभिनय रहेको छ ।