दक्षिण एशियाली मुलुक (सार्क) का शिक्षा मन्त्रालय, शिक्षा विभागका वर्तमान तथा पुर्वअधिकारीहरुका साथै शिक्षावीद्हरुले मंगलबार काव्य स्कुल नयाँबानेश्वरको स्थलगत भ्रमण गरि त्यहाँको शिक्षण विधिबारे जानकारी लिएका छन् ।
भुटान सरकारको पूर्वशिक्षामन्त्री ठाकुर एस.पौड्याल, पाकिस्तानका गुल मोहम्मदका साथै भारत, बंगलादेश र श्रीलंकाका अधिकारीहरु र शिक्षावीद्हरु सो टोलीमा सहभागी रहेको काव्य स्कुलका संस्थापक प्रिन्सिपल नवराज बास्कोटाले बताउनुभयो ।
दक्षिण एशियाली मुलुकका नीजि तथा सामुदायीक विद्यालयको शिक्षण विधि, शैक्षिक आयाम, कमीकमजोरी र अध्ययन अध्यापनका क्रममा भोग्नुपरेका समस्या र चुनौतिका बारेमा अध्ययनका लागि नेपाल आएको टोली नयाँबानेश्वरको नीजि विद्यालय, काव्य स्कुलमा पुगेको हो ।
टोलीलाई काव्य स्कुललाई संस्थापक प्रिन्सिपल बास्कोटाले स्वागत गर्दै विद्यालयले अपनाएको शिक्षण विधि, अतिरिक्त कृयाकलाप, विभिन्न सामाजिक कार्यमा विद्यार्थी र विद्यालयको सहभागिताका साथै विद्यालयले राष्ट्रिय र अन्तर्राष्ट्रिय क्षेत्रमा पाएको ख्यातीका बारेमा जानकारी गराउनुभएको थियो ।
वालअधिकारको संरक्षण गर्दै वालवालिकाको पढ्न र खेल्न पाउने अधिकारलाई सुनिश्चित गर्दै काव्य स्कुलले विद्यार्थीहरुलाई गृहकार्य दिने गरेको छैन । सबै विद्यार्थीलाई सक्षम र हरेक क्षेत्रमा नेतृत्वदायी भूमिका ग्रहणकर्ता (लीडर) बनाउनु काव्य स्कुलको उद्धेश्य रहेको छ ।
विभिन्न सामुदायीक विद्यालयलाई समेत शैक्षिक सहयोग गर्दै सामाजिक उत्तरदायीत्व समेत निर्वाह गर्दै आएको काव्य स्कुल स्थापनाको एक दशकमै मुलुकको स्थापित अग्रणी विद्यालयको रुपमा देखिएको छ ।
प्रतिक्रिया दिनुहोस्