धनुषा, ३ पौष । धनुषा गणेशमान चारनाथ नगरपालिकामा ७ वर्षीया बालिका माथि बलात्कार भएको छ ।
सोमबार राति १० बजे स्थानीय २५ वर्षका रोशन बस्नेतले चकलेट दिने बहानामा घरबाट पर उखुघारीमा लागि बलात्कार गरेको प्रहरीले जनाएको छ ।
बालिकालाई राति जाँड खाएर मातेका बस्नेत आफ्नो दाई विदेशबाट चकलेट ल्याइदिएको र चकलेट दिन आएको भन्दै बालिकाको घरको ढोका खोल्न लगाएका थिए । त्यसपछि बालिकालाई लिएर उनले पर उखुघारीमा लगेर बलात्कार गरेका थिए ।
छोरी बेपत्ता भएपछि बालिकाकी आमाले गाउँलेलाई गुहारेर स्थानीयबासीले प्रहरीलाई खबर गरी बालिकालाई उखुघारीमा रगताम्य तथा गम्भीर अवस्थामा निर्वस्त्र फेला परेका थिए ।
बालत्कृत बालिकालाई उपचारका लागी वीपी कोइराला विज्ञान प्रतिष्ठान धरान पठाइएको इलाका प्रहरी कार्यालय ढल्केबरले जनाएको छ ।
प्रतिक्रिया दिनुहोस्