तनहुँ, ४ पौष । तनहुँमा नवजात शिशुको हत्या गर्ने एक महिलालाई प्रहरीले पक्राउ गरेको छ ।
बुधबार बिहान भानु नगरपालिका वडा नम्बर ३ दोरदोर बस्ने वर्ष ३७ की लक्ष्मी गन्धर्वलाई पक्राउ गरेको जिल्ला प्रहरी कार्यालय तनहुँले जनाएको छ ।
पुस ३ गते दिउँसो साढे ४ बजे भानु नगरपालिका वडा नम्बर ३ दोरदोर चण्डीथोकमा झाडीमा कपड़ाले घाँटीमा कसेर बेरेको अवस्थामा नवजात शिशुको शव फेला परेको थियो ।
घटनाको अनुसन्धान गर्ने क्रममा शंकाको आधारमा प्रहरीले नियन्त्रणमा लिएकी गन्धर्वले अपराध स्वीकार गरेको जिल्ला प्रहरी कार्यालय तनहुँका प्रमुख प्रहरी उपरीक्षक सिद्धीविक्रम शाहले बताएका छन ।
प्रतिक्रिया दिनुहोस्