भग्नावशेष भवनबाट ११ महिने बालकको जीवितै उद्धार

एजेंसी, १८ पौष । रुसको माग्नितोगोर्स्क शहरमा सोमबार भएको ग्यास विस्फोटका कारण भग्नावशेष भवनबाट ११ महिने बालकको जीवितै उद्धार गरिएको छ ।

शहरमा यतिबेलाको तापक्रम शून्यबाट १७ डिग्री सेल्सियससम्म झरेको छ । उद्धारकर्मीहरुलाई चिसोका कारण पनि उद्धारमा समस्या भएको थियो ।

बीबीसीका अनुसार बच्चा रोएको सुनेपछि उद्धार दलले बच्चालाई सकुशल बाहिर निकालेका हुन् । उनलाई चिसोले समातेको छ । साथै टाउकोमा चोट लागेको छ भने, खुट्टा फ्रयाक्चर भएको छ । इवान नाम गरेका ११ महिने बालकको अवस्था गम्भीर रहेको र थप उपचारका लागि मस्को पठाइएको जनाएको छ ।

इवानकी आमा सकुशल छिन् । उनले अस्पतालमा आफ्ना छोरालाई भेटेको पनि रुसी अधिकारीहरुले जनाएका छन् ।
भवनको भग्नावशेषबाट अहिलेसम्म आठ जनाको शव निकालिएको छ ।