टिपर दुर्घटना हुँदा एकको मृत्यु, एक घाईते

काठमाडौं, १ माघ  । नवलपरासीमा टिपर दुर्घटना हुँदा चालकको मृत्यु भएको छ भने परिचालक घाईते भएका छन् ।

मंगलबार बिहान ११ वजे बर्दघाट नगरपालिका ४ दाउन्नेमा लु १ ख ६१०२ नम्बरको टिपर आफै अनियन्त्रित भई दुर्घटना हुँदा चालक रुपन्देहीको कोटहीमाई गाउपालिका १ का २९ वर्षीय गंगे थारुको मृत्यु भएको प्रहरीले जनाएको छ ।

घाईते भएका परिचालक २३ वर्षीय दिपक मल्लाहको सामुदायिक अस्पताल चिसापानीमा उपचार भईरहेको ईलाका प्रहरी कार्यालय बर्दघाटले जनाएको छ ।