विमान दुर्घटना हुँदा १२ जनाको मृत्यु

एजेन्सी, २६ फागुन । कोलम्बियामा विमान दुर्घटना हुँदा १२ जनाको मृत्यु भएको छ ।

कोलम्बियाका उड्डयन प्राधिकरणका अनुसार लासेर एइरेओ एयरलाइन्सको डगलस डीसी–३ विमान शनिबार बिहान कोलम्बियाको विल्लाभिसेन्सिओ शहरको दक्षिण–पूर्वी भूभागमा दुर्घटनाग्रस्त भएको हो ।

दुर्घटनामा ज्यान गुमाउनेको पहिचान पत्ता लगाउने प्रयास भैरहको जनाएको छ । विमान सन जोसे डेल गुएभिएरे शहरबाट विल्लाभिसेन्सिओका लागि उडेको थियो । दुर्घटनाको कारण भने पत्ता लाग्न सकेको छैन ।