महोत्तरीमा सवारी दुर्घटना : १ जनाको मृत्यु

बर्दिवास, ४ चैत । पूर्व–पश्चिम् राजमार्गअन्तर्गत महोत्तरीको बर्दिवास नगरपालिका–५ मा गएराति भएको सवारी दुर्घटनामा १ जनाको मृत्यु भएको छ भने अर्का १ जना गम्भीर घाइते भएका छन् ।

ज १२ प १६४९ नम्बरको मोटरसाइकल उखु लोड गरिएको ज १ त ४७३३ नम्बरको ट्याक्टरमा ठोक्किएर भएको दुर्घटनामा मिथिला नगरपालिका–१०, धनुषाका मोटरसाइकल चालक २६ वर्षीय मनोज भट्टराईको मृत्यु भएको हो ।

लालबन्दी नगरपालिका–९ का सञ्जय खतिवडा गम्भीर घाइते भएको जिल्ला ट्राफिक प्रहरी कार्यालय, महोत्तरीले जनाएको छ ।