भारतीय विदेश सचिव गोखले नेपाल आउँदै : शिर्ष व्यक्तित्वसँग भेटघाट हुने

काठमाडौँ, १४ चैत । भारतीय विदेश सचिव विजय केशव गोखले २ दिने नेपाल भ्रमणका लागि आज नेपाल आउँदै छन् । भ्रमणका क्रममा नेपालका विशिष्ट व्यक्तित्वसँग भेटघाट हुने कार्यक्रम रहेको छ ।

नेपाल बसाइको क्रममा उनले प्रधानमन्त्री केपी शर्मा ओली, परराष्टमन्त्री प्रदीप ज्ञवाली र अन्य शीर्ष नेताहरुलाई भेट्ने कार्यक्रम छ । परराष्ट्र मन्त्रालयका अनुसार, गोखलेले भारतीय सहयोगका कार्यक्रम र दुईपक्षीय हितबारे पनि नेपाली अधिकारीहरुसँग छलफल गर्ने तय भएको छ ।

यही चैत १५ र १६ गते काठमाडौंमा हुन लागेको लगानी सम्मेलनको पूर्वसन्ध्यामा गोखले नेपाल आउन लागेका हुन् ।