हवाई आक्रमणमा ५ छात्राको मृत्यु, ३४ घाइते

एजेन्सी, २५ चैत ।  यमनमा हवाई आक्रमणमा एक विद्यालयका पाँच छात्राको मृत्यु भएको छ भने ३४ जना घाइते भएका छन ।

सोमबार राजधानी सानामा साउदी अरब नेतृत्वको सैन्य गठबन्धनले मेटल वर्कसपमा गरेको हवाइ आक्रमणमा नजिकै रहेको विद्यालयमा अध्ययनरत विद्यार्थीको आक्रमणबाट पाँच जनाको मृत्यु भएको र अन्य ३४ जना घाइते भएका सुरक्षा अधिकारीहरुले जनाएको छ ।

स्थानीय अलि अहसानले सिन्ह्वा न्यूज एजेन्सीलाई दिएको जानकारी अनुसार जधानी सानाको पूर्वी भाग सावान क्षेत्र नजिकै दुई शक्तिशाली विष्फोटक पदार्थ पड्केको आवाज सुनेको लगत्तै धुवाको ठूलो मुस्लो जमिनबाट निकै उचाइसम्म आकासमा निस्केको जनाएको छ ।

घाइतेमध्ये केही विद्यालयका बालबालिका पनि रहेका स्वास्थ्य अधिकारी तथा प्रत्यक्षदर्शी स्थानीय वासिन्दाले जनाएको छ ।