कश्मीरमा भाजपा नेताको गोली हानी हत्या

एजेन्सी, २२ बैशाख । सत्तारुढ भारतीय जनता पार्टी (बिजेपी)का नेता गुल मोहम्मद मिरको गोली हानी हत्या गरिएको छ ।

भारत प्रशासित कश्मीरको अनन्तनाग जिल्लामा शनिबार उनको हत्या भएको हो । काश्मीर प्रहरीका अनुसार मिरमाथि नौगामस्थित आफ्नै घरमा आतंकारीद्वारा गोली प्रहार गरिएको थियो ।

जिल्लाको पार्टी उपाध्यक्षसमेत रहेका ६० वर्षीय मोहम्मद गोली लागेर गम्भिर घाइते भएका थिए । स्थानीय अस्पतालमा उपचारका क्रममा उनको मृत्यु भएको भारतीय सञ्चारमाध्यमले जनाएका छन् । अनन्तनागमा लोकसभाको चुनाव सोमबार हुँदैछ ।