अफगानी सुरक्षाकर्मीको कारबाहीमा ५२ तालिबानी लडाकुको मृत्यु

एजेन्सी, २२ बैशाख । अफगानिस्तानको पूर्वी प्रान्त घाज्नीमा तालिबान लडाकुविरुद्ध सुरक्षा अधिकारीहरुले गरेको कारबाहीमा कम्तीमा ५२ लडाकूको मृत्यु भएको छ ।

त्यहाँको रक्षा मन्त्रालयले आइतबार जनाए अनुसार स्थानीय दुई नेतासहित ५२ लडाकु मारिएको जनाएको छ । रक्षा मन्त्रालयले विज्ञप्ती जारी गर्दै भनेका छन, अहिले सम्मको विवरण अनुसार ५२ भन्दा बढी आतङ्कवादीहरु मारिएका छन् । अफगानी सेनाको तीन ओटा टोलीले गरेको पछिल्ला सुरक्षा कारबाहीमा उनीहरु मारिएका हुन् ।’

सेनाले शनिबार विहानैदेखि स्थल तथा हवाई कारबाही गरेको उच्च सुरक्षा अधिकारीहरुले जानकारी दिएका छन् ।