एजेन्सी, ११ जेठ । बार्सिलोनाका कप्तान लिओनेल मेसीले छैटौं पटक युरोपेली गोल्डेन बुट जितेका छन् ।
युरोपको लिगहरुमध्येका सर्वाधिक गोलकर्तालाई प्रदान गरिने अवार्ड मेसीले लगातार तेस्रो सिजन हात पारेका हुन् ।
मेसीले स्पेनिस ला लिगाका ३४ खेल खेल्दै ३६ गोल गरेका हुन् । गत सिजन मेस्सीले ३४ गोल गर्दै लगातार दोस्रो सिजन गोल्डेन बुट अवार्ड जितेका थिए ।
त्यसअघि मेस्सीले सन् २००९–१० मा ३४ गोल गर्दै, २०११–१२ मा ५० गोल गर्दै, २०१२–१३ मा ४६ गोल गर्दै र २०१६–१७ मा ३७ गोल गर्दै गोल्डेन बुट जितेका थिए ।
