चेल्सी ‘युरोपा लिग च्याम्पियन’

काठमाडौँ, १६ जेठ । चेल्सीले प्रिमियर लिग प्रतिद्धन्द्धी आर्सनलमाथि ४–१ को फराकिलो जित निकाल्दै युरोपा लिग च्याम्पियन हात पारेको छ ।

एडेन हेजार्डले दुई गोलसँगै चेल्सीले जित निकालेर बुधबार राति युरोपा लिग हात पारेको हो । रियल म्याड्रिडमा जाने तयारीमा रहेका हजार्डको लागि चेल्सीमा यो नै अन्तिम खेल र उपाधि हुने देखिएको छ । चेल्सीले युरोपा लिग जितको यो दोस्रो पल्ट हो । लिगमा तेस्रो भएर चेल्सी यसअघि नै च्याम्पियन्स लिगका लागि छनोट भइसकेको छ ।