फिलिपिन्समा ट्रक दुर्घटना : १३ जनाको मृत्यु

एजेन्सी, २७ जेठ । फिलिपिन्समा ट्रक दुर्घटनामा परी दुई बालबालिका सहित कम्तीमा १३ जनाको मृत्यु भएको छ ।

प्रहरी अधिकारीहरुका अनुसार कामारिन्स सुर प्रान्तमा शनिबार विवाहपूर्वको एउटा सांस्कृतिक कार्यक्रममा सहभागी हुन गइरहेका बेला ५३ जना सवार ट्रक दुर्घटना भएको हो ।

पहाडी बाटोमा नियन्त्रण गुमाएर दुर्घटना हुदा ४ र ५ बर्षका २ बालबालिका १३ जनाको मृत्यु भएको जनाइएको छ । उक्त दुर्घटनाका बारेमा थप अनुसन्धान सुरु गरिएको प्रहरीले जनाएको छ ।