तीन वर्षदेखि हराएका श्रीमान् टिकटकमा भेटिए

काठमाडौँ, १९ असार । भारतमा एक युवतीले तीन वर्षदेखि हराएको श्रीमानलाई टिकटकमा भेटेकी छन् ।

सन् २०१६ मा बेपत्ता भएका जयसुधा नाम गरेको महिलाको श्रीमानको खोजी  गर्ने प्रहरी रिपोर्ट देखि मिडियाहरुमा पनि पतिको खोजी गरिदिन विज्ञापन गरेकी थिइन ।

प्रहरीले श्रीमानको खोजी नगरेपछि उनले श्रीमान् आउने आश मारिसकेकी थिइन् । तर एकदिन उनकै आफन्तले जयसुधालाई टिकटकको भिडियो देखाइन् र  भिडियोमा उनकै पति सुरेश थिए । जयसुधाले त्यो टिकटक प्रहरीलाई देखाइन् र आफ्ना श्रीमान्लाई खोजिदिन आग्रह गरेपछि प्रहरीले सुरेशलाई समात्यो ।

प्रहरीको अनुसन्धानमा सुरेश टिकटक भिडियोमा काम गर्ने एक तेश्रोलिङ्गीसँग प्रेममा र तेश्रोलिङ्गीको लागि काम गर्ने एक एनजीओमको मद्धतमा प्रहरीले सुरेशलाई पक्रन सफल भएको हो । दुई बच्चाका पिता सुरेशलाई अहिले श्रीमतीसँग घर पठाइएको छ ।