काठमाडौँ, २१ असार । एसीसी यु–१९ इष्टर्न रिजन क्रिकेट प्रतियोगितामा नेपालले सिंगापुरलाई २ सय १७ रनको पराकिलो अन्तरमा हराएको छ ।
मलेसियाको राजधानी क्वालालम्पुरमा टस जितेर ब्याटिङ थालेको नेपालले निर्धारित ५० ओभरमा ४ विकेट गुमाएर ३२६ रन बनाएको थियो । प्रतियोगितामा रित गौतम र खडक बहादुर बोहोराले बिष्फोटक ब्याटिङ गरेपछि नेपालले सिंगापुरलाई फराकिलो अन्तरमा पराजित गरेको हो ।
प्रतियोगितामा शतक पुरा गरेका गौतमले अविजित ११५ रन बनाए भने बुढाथोकी शतक बनाउन १० रनले चुके । उनी ९० रनमा आउट भए । कुशल मल्लले पनि अर्धशतक पुरा गर्दै ५१ रन बनाए भने पवन सर्राफले ४५ रन जोडे । कप्तान रोहित पौडेल ७ र विशाल कुमार केसी १ रनमा आउट भए ।
३२७ रनको लक्ष्य पछ्याएको सिंगापुर ३७ ओभर १ बलमा सबै विकेट गुमाएर १०९ रनमा समेटिन बाध्य भयो । नेपालका लागि कुशल मल्लले ४ विकेट लिए भने तिलक राज भण्डारीले २ तथा रसिद खान र सागर ढकालले एकएक विकेट लिए । यसअघि आफ्नो पहिलो खेलमा नेपालले चीनलाई १० विकेटले पराजित गरेको थियो ।
प्रतिक्रिया दिनुहोस्