सडक निर्माण गर्न कर्णालीका सांसदकाे १० करोड माग

काठमाडौँ, ३० असार । आफूखुसी योजनामा बजेट खर्चिनका लागि कर्णालीका सांसदले प्रदेश सरकारलाई झुकाएका छन् । सांसदको तजबिजमा खर्च हुने जनता सडक कार्यक्रमका लागि १० करोड रुपैयाँ दिइने भएपछि आइतबार आगामी आर्थिक वर्षको बजेट पारित भएको छ ।

बजेट निर्माणकै चरणमा सांसदले १० करोड मागे पनि सरकारले जनता सडक कार्यक्रमका लागि २ करोड रुपैयाँ मात्रै बिनियोजन गरेको थियो । सत्ता र प्रतिपक्षी सांसदले बजेटमाथिको छलफलमा यही विषयलाई लिएर असन्तुष्टि व्यक्त गरेका थिए ।

सरकारलाई सांसदले बजेट पास हुन नदिने चेतावनी दिएपछि ८ करोड थपिएको हो । याे समाचार आजको कान्तिपुर दैनिकमा छ ।