‘सुनिश्चित बाल अधिकार, समृद्ध नेपालको आधार’ भन्ने नाराका साथ राष्ट्रिय बाल दिवस मनाइँदै

काठमाडौँ, २९ भदौ । आज राष्ट्रिय बाल दिवस, ‘सुनिश्चित बाल अधिकारः समृद्ध नेपालको आधार’ भन्ने नाराका साथ विभिन्न कार्यक्रम गरी मनाइँदैछ ।

नेपालले संयुक्त राष्ट्रसंघको बाल अधिकार महासन्धिलाई २०४७ साल भदौ २९ गते अनुमोदन गरेको थियो । विसं २०२१ सालको भदौ ४ गतेदेखि मनाउन शुरु गरिएको राष्ट्रिय बाल दिवस २०६३ सालमा आएर भदौ २९ गते मनाउन सुरु गरिएको हो ।

आज महिला बालबालिका तथा जेष्ठ नागरिक मन्त्रालय र मातहातका कार्यालय एवं बालबालिकाका क्षेत्रमा काम गर्ने संघसंस्थाले विभिन्न कार्यक्रम गरी मनाउँदैछन् ।