काठमाडौँ, ८ असोज । माथिल्लो डोल्पाको डोल्पोबुद्ध गाउँपालिका धोस्थित झ्याम्पा गुम्बाको बहुमूल्य सामग्री चोरी हुने डरले स्थानीयले घरमा लगेर राख्छन् ।
गुम्बाका सामान चोरी हुने डरले स्थानीयले सहमतिमै घरमा राख्ने गरेका हुन्। विशेष पूजा वा अन्य समारोहमा भने ती सामग्री गुम्बामै लगिन्छ । कार्यक्रम सकिएपछि फेरि घरमै फर्काइन्छ। सोही गाउँपालिकाको सेरिङ गुम्बाको बहुमूल्य बुद्धमूर्ति र अन्य धातु पनि गाउँलेले घरमा राखेका छन् ।
गुम्बा सुरक्षाका लागि प्रहरी प्रशासनलाई बारम्बार ताकेता गर्दा चासो नदिएपछि ती सामग्री घरमा राख्नुपरेको स्थानीयको गुनासो छ । यी दुई गुम्बा उदाहरण मात्र हुन्।डोल्पाका अधिकांश गुम्बाका सामग्री चोरी भइसकेका छन् । यो खबर अन्नपूर्ण दैनिकमा छ ।
प्रतिक्रिया दिनुहोस्