लमजुङ, ३० असोज । लमजुङमा म्याजिक भ्यान दुर्घटना हुँदा ६ जना घाइते भएका छन् ।
बुधबार दिउँसो सुन्दरबजार नगरपालिका ७ पाउँदीमा ना१ज ७४१५ नम्बरको सेतो म्याजिक भ्यान राइनासतर्फ जाने पाउँदी सडकबाट झण्डै ३० मिटर तल खस्दा ६ जना घाइते भएको इलाका प्रहरी कार्यालय भोटेओडारले जनाएको छ ।
घाइते हुनेहरुमा उदयबहादुर मल्ल, सम्झना शाही, लक्ष्मी शाही, मन्दिरा रिमाल नेपाली, सिर्जना नेपाली रहेको र एक जनाको परिचय खुलेको छैन । घाइतेमध्ये दुई जनालाई उपचारका लागि चितवन, एक जनालाई काठमाडौँ पठाइएको र तीन जनाको सुन्दरबजारको कर्मदा हस्पिटलमा उपचार भैरहेको छ ।
चालकको खोजी भैरहेको र घटनाबारे थप अनुसन्धान भैरहेको जिल्ला प्रहरी कार्यालय लमजुङले जनाएको छ ।
प्रतिक्रिया दिनुहोस्