कमेरो खन्ने क्रममा पुरिएर एक किशोरीको मृत्यु

रोल्पा, ८  कार्तिक । रोल्पामा घर रङ्गाउने कमेरो खन्ने क्रममा आएको पहिरोमा परी एक किशोरीको मृत्यु भएको छ ।

बिहीबार रोल्पा नगरपालिका–३ कमिरेधारामा कमेरो खन्ने क्रममा सुनिल स्मृति गाउँपालिका–५ काभ्राकी १८ वर्षीया पवित्रा सेनको घटनास्थलमै मृत्यु भएको प्रहरीले जनाएको छ ।

जिल्ला प्रहरी कार्यालय रोल्पाका अनुसार घटनामा परी सोही ठाउँका २२ वर्षीया भावना रोका र २२ वर्षीया सीता घर्ती घाइते भएको छ ।  प्रहरीचौकी सातदोबाटोबाट गएको प्रहरी टोलीले घाइतेको उद्धार गरिरहेको जनाएको छ ।

उद्धारपछि घाइतेको उपचार गरिने प्रहरीले बताएको छ ।