जनकपुर, १५ कार्तिक । धनुषामा सत्तारुढ समाजवादी पार्टी र प्रतिपक्षी नेपाली काँग्रेसका कार्यकर्ताबीच झडप हुँदा सात जना घाइते भएका छन् ।
धनुषाको क्षिरेश्वरनाथ नगरपालिका वडा नम्बर १० स्थित रमदैया भवाडीमा समाजवादी पार्टी र काङ्ग्रेसका कार्यकर्ताबीच बुधबार राति हातपात हुँदा दुवैतर्फ घाइते भएको धनुषा प्रहरीले जनाएको छ । घाइते हुनेमा काँग्रेसका सुकदेव यादव, रामहृदय यादव, रामबहादुर यादव र अमरेशकुमार यादव छन् भने समाजवादी पार्टीका उमेश यादव, श्याम यादव र सन्तोष यादव रहेका छन् ।
झडपमा घाइतेहरुको जानकी मेडिकल कलेज तथा शिक्षण अस्पतालमा उपचार भइरहेको छ ।
प्रतिक्रिया दिनुहोस्