नेपाल टेलिकमले सुरु गर्‍यो रारामा फोरजी सेवा

मुगु, २१ मंसिर । नेपाल टेलिकमले कर्णाली प्रदेशको प्रमुख पर्यटकीय स्थल रारामा फोरजी सेवा सुरु गरेको हो ।

नेपाल टेलिकमका बरिष्ठ ईन्जिनियर प्रेमबहादुर क्षेत्रीका अनुसार बिहीबारदेखि मुगुको रारामा फोरजी सेवा सञ्चालनमा ल्याइएको हो ।

नेपाल भ्रमण वर्ष २०२० लाई लक्षित गरेर नेपाल टेलिकमले द्रुत गतिको फोरजी सेवा सञ्चालनमा ल्याएको हो । रारासँगै अब जुम्ला, मुगु र कालिकोटमा पनि फोरजी संचालन गर्ने तयारी थालिएको नेपाल टेलिकमले जनाएको छ ।

टेलिकमले राराको हुटुमा फोरजीको टावर राखेर सेवा सञ्चालन गरेको छ । यो सेवा सुरु भएसँगै पर्यटकलाई संचारका लागि सहज हुने भएको छ ।