लागूऔषधसहित एक जना पक्राउ

वीरगञ्ज, २५  मंसिर । वीरगञ्जबाट लागूऔषध चरेससहित एकजनालाई प्रहरीले पक्राउ गरेको छ ।

बैठा जीतपुरतर्फबाट वीरगञ्जतिर साइकलमा आउँदै गर्दा चरेशसहित वीरगञ्ज १९ का ६० वर्षीय रामबालक बैठा पक्राउ परेका हुन् ।  उनको साथबाट ११ किलो ८ सय ग्राम चरेस बरामद गरिएको जिल्ला प्रहरी कार्यालय पर्साले जनाएको छ ।

उनलाई आवश्यक कारबाहीका लागि जिल्ला प्रहरी कार्यालय पर्सामा राखिएको छ ।