एजेन्सी, १३ पौष । रुसले ध्वनिभन्दा २० गुणा छिटो उड्ने हाइपरसोनिक अभानगार्ड क्षेप्यास्त्र जडान गरेको छ ।
रक्षामन्त्री सेर्गेई सोइगुलले शुक्रबार राति १० बजे ती क्षेप्यास्त्र तैनाथ गरिएको भने पनि जडान गरिएको ठाउँबारे केही बताएका छैनन । तर त्यहाँका अधिकारीहरुले यसअघि नै त्यो क्षेप्यास्त्र पश्चिमी रुसको युराल पर्वत क्षेत्र वरपर राखिने संकेत गरेका थिए ।
ती क्षेप्यास्त्रमा ग्लाइड प्रणाली राखिएकोले प्रहार गर्न सहज बनाएको र त्यसलाई भेद गर्न असंभव हुने दाबी गरिएको छ । रुसको रक्षा मन्त्रालयले अभानगार्ड प्रणालीको भिडिओ सार्वजनिक गरे पनि अस्त्र विज्ञहरूले यसको प्रभावकारितामाथि प्रश्न उठाएका छन् ।
प्रतिक्रिया दिनुहोस्