सुदूरपश्चिमको पहाडी तथा हिमाली क्षेत्रमा पुन: हिमपात

काठमाडौँ, २४ पौष । सुदूरपश्चिमकाे पहाडी तथा हिमाली क्षेत्रमा फेरि हिमपात भएको छ ।

उक्त स्थानमा हिमपात भएसँगै चिसो बढेपछि यहाँको जनजीवन प्रभावित भएको छ । डोटीकोे खप्तडमा पर्ने झिगराना, गोलादेउ, पानीखाल, नापानी, शिखर, गोवडालेक, बडीकेदारथान लगायतका उच्च पहाडी क्षेत्रमा हिमपात भएकाे हाे ।

डाेटीका उच्च लेकाली भेगमा अहिले पनि हिमपात भइरहेको छ भने दिपायल, सिलगढी लगायतका क्षेत्रमा मसिनाे पानी परिरहेकाे छ  । चिसाेले वृद्धवृद्धा तथा बालबालिका बढी प्रभावित भएका छन् । पानी र हिमपातका कारण तापक्रम निकै घटेको छ ।