त्रिभुवन विमानस्थलमा यतीको विमान आकस्मिक अवतरण

काठमाडौँ, २२ फागुन । यती एयरलाइन्सको विमानलाई त्रिभुवन विमानस्थलमा आकस्मिक अवतरण गराइएको छ ।

आज बिहान काठमाडौंबाट पोखराका लागि उडेको विमानको इन्डिकेटरमा समस्या देखिएपछि फर्काएर आकस्मिक अवतरण गराइएको हो ।

इन्डिकेटरले काम नगरेको शंका लागेमा पाइलटले जोखिम नलिने भएकोले विमानलाई फर्काएर अवतरण गरिएको त्रिभुवन विमानस्थलका प्रवक्ता देवचन्द्रलाल कर्णले बताए ।

अवतरणपछि प्राविधिक परीक्षण गर्दा विमानमा खराबी नरहेको र  फेरीलगत्तै विमान गन्तव्यतर्फ उडेको कर्णले जानकारी दिए ।