बझाङ, ७ चैत । बझाङमा मोटरसाइकल दुर्घटना हुँदा नेपाल तरुण दल बझाङका अध्यक्ष विष्णु ऐडीकी ३० वर्षीया श्रीमती उजला ऐडीको मृत्यु भएको छ ।
बिहीबार साँझ छब्बिस पथीभेरा गाँउपालिका–५ खोलागाडामा भाडे बजारबाट ब्यासी तर्फ आउँदै गरेको भे १ प ६७८१ नम्बरको मोटरसाइकल साईड लगाउने क्रममा दुर्घटना हुँदा उजलाको मृत्यु भएको प्रहरीले जनाएको छ ।
छब्बिस पथीभेरा गाँउपालिका–२ मुमलाका ३५ वर्षीय विष्णु ऐडीले चलाएको मोटरसाइकल दुर्घटना हुँदा उजलाको घटनास्थलमै मृत्यु भएको जिल्ला प्रहरी कार्यालय बझाङले जनाएको छ ।
दुर्घटनामा विष्णुसहित उनकी ३ वर्षीया छोरी रिंकी घाइते भएका छन् । उनीहरुको जिल्ला अस्पताल बझाङमा उपचार भईरहेको प्रहरीले जनाएको छ ।
प्रतिक्रिया दिनुहोस्