गण्डकीको संसद अनिश्चितकाललाई स्थगित

पोखरा, ७ चैत । गण्डकी प्रदेशसभाको बैठक अनिश्चितकालका लागि स्थगित भएको छ । सूचना टाँस गरे अनिश्चितकालका लागि स्थगित भएको संसद सचिवालयले जानकारी गराएको हो ।

गएको बुधबारदेखि गण्डकी प्रदेशका लगातार ४ वटा बैठक प्रमुख प्रतिपक्षी दल नेपाली कांग्रेसले अवरुद्ध गरेको थियो । निर्वाचन क्षेत्र विकास पूर्वाधार कार्यक्रम, संसदको सचिवालयसम्बन्धी विधेयकलगायतमा असहमति जनाउँदै कांग्रेसले संसद अवरुद्ध गर्दै आएको थियो । कांग्रेसको अवरोधपछि सभामुख नेत्रनाथ अधिकारीले संसद बैठक स्थगित गर्दै आएका थिए ।

देशमा कोरोना सन्त्रासका कारण पनि बैठक लामै समय स्थगित हुनसक्ने सचिवालयले जनाएको छ ।