मोटरसाइकल दुर्घटना हुँदा श्रीमतीको मृत्यु, श्रीमान् घाइते

मकवानपुर, २० चैत । मकवानपुर मनहरी गाँउपालिका –९ रजैयामा मोटरसाइकल दुर्घटना हुँदा श्रीमतीको मृत्यु भएको छ भने श्रीमान् घाइते भएका छन ।

बिहीबार चितवनबाट हेटौंडा जाँदै गरेको ना ६३ प ५६९८ नम्बरको मोटरसाइकल अनियन्त्रित भई नालीमा खस्दा मोरङको सुन्दर हरैचा नगरपालिका–८ की ३० वर्षीया बिन्दा घिमिरेको  मृत्यु भएको इलाका प्रहरी कार्यालय नेवारपानी मकवानपुरले जनाएको छ ।

त्यस्तै घाइते हुनेमा मृतक बिन्दाका श्रीमान लिलामणी घिमिरे रहेका छन् । घाइते उनको चुरेहिल अस्पतालमा उपचार भईरहेको छ ।