क्वारेन्टाइनमा महिलालाई बलात्कार गर्ने तीन जना पक्राउ

धनगढी, १ असार । कैलाली जिल्लाको लम्कीचुहा नगरपालिकास्थित शहीद स्मृति माविको क्वारेन्टाइनमा बसेकी महिलालाई बलात्कार गरेको आरोपमा तीन जना पक्राउ परेका छन् ।

क्वारेन्टाइनमा बसेकी महिलाले शनिबार राति तीनजनाले बलात्कार गरेको प्रहरीमा जाहेरी दिएपछि क्वारेन्टाइनमा स्वयंसेवकका रूपमा बसेका सर्जन विक, लक्ष्मण परियार र किशोर परियारलाई आइतबार साँझ पक्राउ गरिएको प्रहरीले जनाएकाे छ ।

पक्राउ परेका तीन जना स्वयंसेवकका रूपमा क्वारेन्टाइन व्यवस्थापनमा खटिएका थिए । उनीहरूले दैनिक भत्ता पाउने गरेका थिए ।