एक पुरुषको शव फेला

वीरगञ्ज, २७ मंसिर । पर्सामा एक जना पुरुषको शव फेला परेको छ ।

बाराको सिमरास्थित जगदम्बा स्टिलमा काम गर्ने वीरगञ्ज–३२ पारसवाका ४७ वर्षीय सुरेन्द्र साह सोनारको शव गाउँकै कुलोमा फेला परेको प्रहरीले जनाएको छ ।

जिल्ला प्रहरी कार्यालय पर्साका अनुसार गम्छाले घाँटी कसेको र दाहिने आँखामा चोट लागेको अवस्थामा शुक्रबार शव फेला परेको र रगत लागेको लठ्ठी पनि शवको छेउमै भेटिएकाले उनको हत्या भएको आशंका गरेको छ ।

घटनाबारे थप अनुसन्धान गरिरहेको  प्रहरीले जनाएको छ  ।