काठमाडौँ, ३ पौष । आज र भोलि काठमाडौँ उपत्यकाका विभिन्न स्थानमा बिजुली काटिने भएको छ ।
बिहीबार नेपाल विद्युत् प्राधिकरणले जारी गरेको सूचनाका अनुसार शुक्रबार बिहान ७ बजेदेखि १० बजेसम्म र शनिबार मध्यान्ह १२ देखि ३ बजेसम्म पनि बिजुली कटौती हुने भएको छ ।
बालाजु सवस्टेशन भित्रको ११ केभीको ब्रेकर जडान गर्नुपर्ने भएकाले उक्त सवस्टेशनबाट वितरित बिजुली काटिनेछ । त्यसमा बालाजु औद्योगिक क्षेत्र, ढुङ्गेधारा, महाराजगञ्ज, नयाँ बजार, धर्मस्थली फिडर सटडाउन हुनेछ । बिजुली काटिँदा उपभोक्तामा पर्न जाने असुविधाप्रति प्राधिकरणले माफी मागेको छ ।
प्रतिक्रिया दिनुहोस्