प्रहरीलाई घुस दिन खोज्ने चालक पक्राउ

काठमाडौँ, १३ माघ । ट्राफिक प्रहरीलाई घुस दिन खोज्ने एक जना ट्रक चालक पक्राउ परेका छन् ।

प्रहरीका अनुसार काठमाडौँको नयाँ बसपार्कमा ड्युटीमा खटिएका ट्राफिक प्रहरीलाई एक सय रुपैयाँ घुस दिन खोज्ने रामेछापको खिम्ती गाउँपालिकाका टेकबहादुर थापामगरलाई पक्राउ गरेको हो ।

नियम विपरीत सामान लोड गरी ल्याएको पाइएपछि बा २ ख ८०६५ नम्बरको ट्रक चालक थापामगरलाई  सवारी तथा यातायात व्यवस्था ऐनअन्तर्गत कारबाही गर्न खोज्दा उनले घुस दिन खोजेका प्रहरीले जनाएको छ ।