जीपको ठक्करबाट कलेज हिँडेकी छात्राको मृत्यु

ललितपुर, १९ फागुन । नख्खुमा जीपको ठक्करबाट एक जना छात्राको मृत्यु भएको छ ।

बिहान साढे ५ बजेतिर सडक पार गर्दै गर्दा स १ ज ५६७ नम्बरको जीपको ठक्करबाट सिन्धुपाल्चोक घर भइ ललितपुरको बागडोल बस्ने  १९ वर्षकी अञ्जु दाहालको मृत्यु भएको प्रहरीले जनाएको छ ।

गम्भीर घाइते भएकी दाहालको ६ बजे पाटन अस्पतालमा मृत्यु भएको हो । प्रहरीका अनुसार दाहाल कोटेश्वर मल्टिपल क्याम्पसमा अध्ययनरत हुन । जीप चालकलाई  प्रहरीले पक्राउ गरेको छ ।