नेकपा एमालेले बोलायो स्थायी कमिटी बैठक

काठमाडौँ, १५ असार । नेकपा एमाले आज साँझ स्थायी कमिटी बैठक बोलाएको छ ।

दशौँ महाधिवेशन आयोजक कमिटीको बैठक भोलि बालुवाटारमा बस्दै छ । भोलिको बैठकको तयारीबारे छलफल गर्न बेलुकी ५ बजे स्थायी कमिटी बैठक बोलाइएको केन्द्रीय कार्यालयका सचिव शेरबहादुर तामाङले जानकारी दिए ।

एमालेमा अब महाधिवेशन कमिटी नरहने भएको छ । बुधबार बालुवाटारमा बस्ने महाधिवेशन आयोजक कमिटीले बिहीबार नै केन्द्रीय कमिटी बैठक बोलाउने तयारी रहेको स्रोतको भनाइ छ ।