कांग्रेस उपसभापति पूर्णबहादुर र धनराज निर्वाचित, गच्छदार झिनो मतले पराजित

काठमाडौँ, १ पौष । नेपाली कांग्रेसको उपसभापतिमा पूर्णबहादुर खड्का र धनराज गुरुङ निर्वाचित भएका छन् ।

बुधबार भएको उपसभापतिको मतगणनामा अन्य प्रतिस्पर्धीलाई पराजित गर्दै खड्का र गुरुङ विजयी भएका हुन् । निर्वाचन समितिका अनुसार खड्काले २१२१ र गुरुङले १९०८ मत पाए । त्यस्तै गच्छदारले १९०६, चन्द्र भण्डारीले १५८०, सुजाता कोइरालाले ६४४, महेश आचार्यले ५८९ र दिव्यश्वरी शाहले १३२ मत पाए ।

आचार्यले स्वतन्त्र उम्मेदवारी दिएका थिए भने कोइराला प्रकाशमान सिंह पक्षबाट उम्मेदवारी थिइन् । शाह भने विमलेन्द्र निधि पक्षबाट उम्मेदवार बनेकी थिइन् ।