मोटरसाइकल चोरी गरेको आरोपमा एकजना पक्राउ

जनकपुरधाम, ५ बैशाख । प्रहरीले मोटरसाइकल  चोरी गरेको आरोपमा एक जनालाई पक्राउ गरेको छ ।

प्रहरीका अनुसार हंशपुर नगरपालिका वडा नम्बर ८ रामनगरा बस्ने २० बर्षीय शम्भु मुखियाको आँगनबाटै प्रदेश २–००२–२४३३ नम्बरको सुपर स्पलेण्डर मोटरसाईकल १२ चैतमा चोरी भएको थियो ।

पक्राउ पर्नेमा क्षिरेश्वरनाथ नगरपालिका १० बस्ने २१ वर्षीय भुने मुखिया रहेका छन् । पक्राउ परेका उनीमाथि चोरी शीर्षक मुद्दामा म्याद थप गरी थप अनुसन्धान कार्य भइरहेको जिल्ला प्रहरी  कार्यालयलले जनाएको छ ।