मोटरसाइकल दुर्घटना हुँदा एकजनाको मृत्य

धनुषा, १८ बैशाख । धनुषामा सवारी दुर्घटनामा एकजनाको मृत्यु भएको छ ।

इलाका प्रहरी कार्यालय महेन्द्रनगरका अनुसार मिथिला नगरपालिका २ राघोपुरमा मोटरसाइकल दुर्घटना हुँदा मोहोत्तरीको बर्दिबास घर भएका ४० वर्षीय संजिप श्रेष्ठको मृत्यु भएको हो ।

ढल्केबरबाट जनकपुरतर्फ जाँदै गरेको प्रदेश २, ०२, ००२ प ३०५३ नम्बरको मोटरसाइकल हिजो अपरान्ह ४ बजे अनियन्त्रित भइ पल्टिएको थियो । गम्भीर घाइते भएका श्रेष्ठको उपचारका क्रममा साँझ साढे ५ बजे जनकपुर स्थित प्रादेशिक अस्पतालमा मृत्यु भएको प्रहरीले जनाएको छ ।